يالابتي يا درع راسي عـن الجـور=والدرع حطوله على الرآس نيشـان


انتم قمر عيني يشعشـع بـه النـور=وانتم بحر وانا علـى بـرج قبطـان


الطيـب معدنكـم كتبتـوه دسـتـور=نلقى به البرهـان فـي كـل ميـدان


شكري لكم شامل ولاهـو بمقصـور=ولاهو خصوصي خص لفلان وفـلان


كتبتوا اسمي بالعلـم فـوق مشهـور=ولبست بشتـاً فيـه ورداً وريحـان


اسم الشرف مقبول والعبـد مأمـور=منحه كرم بأيمـان طلقيـن الايمـان


لو قيلـي فـارس فلآنـي بمغـرور=ياكثر ماحولي مـن الربـع فرسـان


لكن حظـي حـط شعبـا وجمهـور=هي بالسعد ماهي على دفـع الاثمـان


حبـا بذرتـه عندكـم ماطلـع بـور=طاشت به الاثمار واصبحت ربحـان


هالحين انا في محفلا وانتم حضـور=للخـط عنوانـا وللفـعـل بـرهـان


وانا بحفل الشيخ والشيـخ مشكـور=ولي الفخر بالشيخ موسى العشيشان


شبلا سبق غيره على شـدة الكـور=ولاهو غريب الفوز من صاحب الشان


من ساس حرا صار له بالدهـر دور=بالجود والفرسه على حصان وسنان


والجود والتقوى ويرجع لـه الشـور=يبرا لـه البيـرق وخيـلا وفرسـان


ياليتني منكم يابـو ريـاض معـذور=اذا كبـر حملـي ولا اسـد ديــان


مادمت انا بالناس والبيـت معمـور=وانا لكم مرهون من ضمن الاخـوان


ولاتراعي الحساد وعيونهـم عـور=ولاهو غريب ان شفت بالناس عميان


مسك الختام اقـول ياشيـخ مشكـور=يابو ريـاض الله يجـزاك الاحسـان